«Манчестер Юнайтед» бош мураббийи Эрик тен Ҳаг АПЛ 32-туридан ўрин олган «Челси»га (4:1) қарши қолдирилган баҳсдан сўнг ўз фикрлари билан ўртоқлашди. 

«Бу клубнинг жойи Чемпионлар Лигасида. Премьер-лигада бунга эришиш осон эмас, кўпчилик бу йўлланма учун курашмоқда. 

Ғалаба қозонишни хоҳладик. «Челси»да ажойиб ўйинчилар бор, лекин биз қарши ҳужумларда жуда яхши ўйнадик, ҳақиқатан ҳам хавфли. 4та гол уришга муваффақ бўлдик, кўпроқ тўп киритишимиз керак эди, лекин улар ҳам гол уришлари мумкин эди. 

Иккинчи бўлимда ҳимоямиз яхшироқ эди. Биринчи бўлимда чизиқлар ўртасида муаммоларга дуч келдик. Рақиб босимсиз ўйнади. Уларни тўхташимиз ва бўш ҳудудлардан фойдаланишимиз керак эди. Иккинчи гол биринчи бўлим охирида урилди ва бундан олдинроқ ҳам бўлиши мумкин эди. 

Сўнгги тур? 3-ўринда қолишимиз керак. Диққатни жамлаш муҳимдир. Шу билан бирга уй ўйинларидаги кўрсаткични яхшилаш керак. «Фулҳэм» билан муҳим ўйин бўлади, унда ғалаба қозонишни хоҳлаймиз. 

Антони ва Люк Шоунинг жароҳатлари? Айтиш қийин. Келинг, 24 соат кутамиз ва кўпроқ маълумот билиб оламиз», — дея нидерландиялик мутахассиснинг сўзларини келтиради ВВС.