«Ливерпуль» бош мураббийи Юрген Клопп АПЛ 29-тури доирасидаги «Манчестер Сити»га қарши ўйин олдидан фикрларини билдирди.
«Бу баҳс – икки жамоа учун ҳам супермуҳим ўйин. «Ливерпуль» шунчаки ютиши керак. Одатда, қийин меҳнатдан кейин нимага ҳақли бўлсанг, ўшанга эришасан. Биз ҳам меҳнатимизга яраша ғалаба учун интиламиз.
Бу ҳафта биз учун қанчалик муҳимлигини тушуниб турибман, аммо ҳозирча фақат «Ман Сити»га қарши ўйин ҳақида ўйлаймиз. Бу рақибга қарши энг яхши ўйинимизни кўрсатибгина ғолиб чиқишимиз мумкин. Ўта юқори даражада ҳимояланиб, ўз ўйинимизни кўрсатишимиз керак», - дейди мерсисайдликлар устози.
Маълумот учун, Манчестердаги учрашув бугун, 1 апрель шанба куни соат 16:30да бошланади. «Сити» АПЛ турнир жадвалида 61 очко билан 2-ўринда, «Ливерпуль» эса 42 очко билан 6-ўринда бормоқда.
