Суперлига 4-тури доирасидаги «Нефтчи» - ОКМК (2:2) ўйинидан кейин фарғоналиклар устози Виталий Левченко журналистлар саволларига жавоб қайтарди.

«Ўйин икки жамоа учун ҳам оғир ўтди. Чунки тенгкучга эга икки савияли жамоалар тўқнаш келишди. Рақиб гол киритган вазиятларда эътиборсизликка йўл қўйдик. Мағлубиятдан қутулиб қолиш осон бўлмади. Чунки пешқадамга қарши барча жамоалар энг яхши ўйинини кўрсатишга интилади, буни яхши биласиз. Мухлисларга раҳмат, яхши қўллаб-қувватлашди. Дуранг – ўйин учун адолатли натижа. 

Бугун «Нефтчи» ўйинчиларида «Пахтакор»га қарши баҳсдаги шижоат, иштиёқ сезилмади? Сир эмас, ҳозир Рамазон ойи. Футболчиларимиз рўза тутишади. Шу сабаб йигитлар организмида ҳам ўзгаришлар бўлишини унутмаслик лозим. Бундай паллада шиддат, азарт бироз етишмаслиги мумкин. 

Акбар Тўраев ўйинни чўзишга интилди? Йўқ, биз мухлисларимиз қаршисида ғалаба қозонишни истагандик. Ўйинни чўзишга уриндик деб айта олмайман», - дея Виталий Левченконинг сўзларини келтирган Tribuna.uz мухбири.