Маркус Рэшфорд «Манчестер Юнайтед»дан ҳафтасига 500 минг фунт талаб қилаётганини рад этди.
Ҳужумчининг талаблари ҳақида Daily Star журналисти Жереми Кросс ёзган ва кейинчалик твитини ўчириб ташлаган.
«Бу биринчиси эмас — мутлақо сафсата!
Клуб ва мен бир-биримизга ҳурмат билан муносабатда бўламиз ва шундай бўлиб қолади. Бор эътиборимни Премьер-лигадаги мавсумни энг яхши тарзда якунлаш ва совринларни қўлга киритишга қаратганман», — деб ёзади Рэшфорд «твиттер»даги саҳифасида.
«Мен ва клубнинг мақсади — чемпионатни иложи борича юқори даражада якунлаш ва бир-икки кубокни қўлга киритишга ҳаракат қилиш», — дея қўшимча қилди ҳужумчи «инстаграм»даги саҳифасида.
