Садио Мане «Бавария» футболчилари олдида Юлиан Нагельсманни сўкканлиги маълум бўлди.
Bild журналистлари Тоби Альтшеффл ва Кристиан Фалькнинг ёзишича, Мане ва Нагельсманн ўртасида Чемпионлар Лигаси 1/8 финалидаги «ПСЖ» билан иккинчи ўйиндан (2:0) кейин жанжал келиб чиққан.
Сенегаллик ҳужумчи ўшанда атиги 8 дақиқа ўйнагани учун жамоадошлари олдида кўп сўкинган. Жанжал пайтида футболчилар Нагельсманн Маненинг кескин нутқидан чўчиганини пайқашди.
«Аугсбург»га қарши кейинги ўйинда Мане асосий таркибга киритилди, бу эса футболчиларнинг Нагельсманн қўрқаётгани борасидаги фикрини кучайтирди.
Мураббий алмашинувидан сўнг «Бавария» раҳбарияти бундай вазиятлар такрорланмаслигини истамоқда.
Нагельсманн ўтган ҳафта Мюнхен клубидан ишдан бўшатилди. Унинг ўрнини Томас Тухель эгаллади.
