Ўзбекистон Кубогининг гуруҳ босқичига йўлланма берувчи сўнгги икки ўрин учун Биринчи лиганинг 8 жамоаси ўзаро кураш олиб борди. 24 март куни саралашнинг биринчи босқичи якунланган бўлса, 26 март куни иккинчи босқич доирасидаги ўйинлар ниҳоясига етди. 

Дастлабки йўлланма ҳал қилинган баҳсда «Жиззах» жамоаси Бухоронинг «Нурафшон»идан (5:2) устун келди ва мусобақанинг А гуруҳида ОКМК, «Ғиждувон» ҳамда «Андижон-SGS» билан кураш олиб бориш имкониятини қўлга киритди. 

Иккинчи йўлланма учун эса янги ташкил этилган «Жайхун» ҳамда «Олимпия» жамоалари ўзаро рўбарў келди. Унда нукусликлар 1:2 ҳисобида имкониятни бой бериб, Ўзбекистон Кубогини тарк этишди. Одил Аҳмедовга тегишли бўлган «Олимпия» F гуруҳида «Андижон», «Навбаҳор» ва «Олимпик» каби Суперлига жамоалари синовидан ўтадиган бўлди.

Малумот учун, турнирнинг гуруҳ босқичи 2 апрел куни старт олади.