Евро-2024 саралаш босқич H гуруҳи 2-тури доирасида Қозоғистон миллий жамоаси Данияга қарши майдонга тушди.

«Астана Арена»да ўтган баҳсда меҳмонлар Ҳейлунднинг 21 ва 35-дақиқадаги голлари эвазига ҳисобда олдинда бораётганди. 73-дақиқада Бахтиёр Зайнутдинов ҳисобни қисқартирган бўлса, 86-дақиқада Тагиберген, 89-дақиқада эса Аймбетов гол киритиб, мезбонларга сенсацион ғалаба келтирди – 3:2.

Шу тариқа, Қозоғистон 2-турдан кейин 3 очко билан ҳозирча 2-ўринга кўтарилди. Дания ҳисобида ҳам 3 очко бор.

Евро-2024 саралаши. H гуруҳи.
Қозоғистон – Дания 3:2
 Голлар: 0:1 – 21 Хейлунд, 0:2 – 35 Хейлунд, 1:2 – 73, пенальти Зайнутдинов, 2:2 – 86 Тагиберген, 3:2 – 89 Аймбетов.
Қозоғистон – Шацкий, Габишев (Скворцов, 34), Малий (Ерланов, 46), Марочкин, Алип, Вороговский, Бейсебеков (Дарабаев, 83), Тагиберген, Зайнутдинов (Исламхан, 79), Оразов, Самородов (Аймбетов, 78).
Дания – Шмейхель, Ба (Ларсен, 65), Кьер, Нельссон, Мэле (Кристенсен, 83), Нергор, Хейбьерг, Йенсен (Биллинг, 65), Дамсгор (Дарами, 65), Винд (Брэйтуэйт, 87), Хейлунд.
Огоҳлантиришлар: Аймбетов (90+6), Хейлунд (90+6), Шацкий (90+6).
Четлатиш: Аймбетов (90+6).