Роберт Пирес Килиан Мбаппенинг Франция миллий жамоаси сардори этиб тайинланганини ҳурматсизлик деб атади.

Уго Льорис миллий жамоадан кетганидан кейин «ПСЖ» форварди сардорлик боғичини олди. Антуан Гризманн вице-сардор бўлди.

«Бу мантиқий танловми? Ростини айтсам, мен бундай деб ўйламайман. Ёшини ҳисобга олиб, Гризманн тайинланишини кутгандим.

Ҳайронман. Ўйлашимча, Антуанга нисбатан ҳурматсизлик бор», — деди франциялик собиқ яримҳимоячи L'Equipe нашрига берган интервьюсида.