«Тоттенҳэм» бош мураббийи Антонио Конте Италия А Сериясига қайтиши мумкин.
Corriere dello Sport хабарига кўра, Жозе Моуриньо мавсум якунида «Рома»ни тарк этган тақдирда, унинг ўрнини эгаллашга Конте асосий даъвогар саналмоқда. Рим клуби раҳбарияти португалиялик мураббийнинг ишидан қониқмаяпти ва унинг ўрнига эгаллашга номзод янги мураббийлар рўйхатини тузган.
Антонио Контенинг Лондон клуби билан амалдаги келишуви мавсум якунигача белгиланган. Шунга қарамай, «Тоттенҳэм» раҳбарияти ушбу ҳафтада италиялик мураббийни истеъфога чиқариши кутилмоқда.
Аввалроқ, Конте «Тоттенҳэм» футболчиларини очиқ-ойдин танқид қилгач, аксарият ўйинчилар мураббийнинг жамоадан кетишини истаётгани ҳақида хабар қилинганди.
