Жозе Моуриньо «Лацио» президенти билан оғзаки жанжалга борди.

Италия чемпионатининг 27-туридаги Рим дербисида «Рома» 0:1 ҳисобида мағлуб бўлди.

Португалиялик мураббий дисквалификацияни ўтамоқда ва шу сабабли у ўйин пайтида «Рома»ни бошқара олмади. Бироқ беллашув якунланганидан кейин мутахассис жамоа билан гаплашиш учун кийим алмаштириш хонасига келди.

У кийиниш хонасидан чиқиб, Жанлука Манчини («Рома») ва Луис Алберто («Лацио») ўртасида юзага келган можарога эътибор қаратди. «Лацио» ҳимоячиси Алессио Романьоли ва клуб президенти Клаудио Лотито ҳам яқин жойда бўлиб, футболчиларни тинчлантиришга ҳаракат қилишаётганди.

«Нега қараяпсан?» — деди Моуриньо рақиб клуб президентига.

«Сен нимага қараяпсан? Мен «Лацио» президентиман. Сен кимсан? Дисквалификация қилингансан, бу ер сенинг жойинг эмас», — деб жавоб берди Лотито.