Карло Анчелотти Ла Лига доирасида «Атлетико»га қарши ўйиндан (1:1) кейин фикрлари билан ўртоқлашди.

«Ла Лигада кўраш тўхтамади, аммо янада қийинлашди. «Реал» охиригача курашиши шарт. Кўрамиз, нима бўларкан.

Ўтказиб юборилган гол рақибимизнинг савиясидан дарак. Гризманн ажойиб ўйинчи, Хименеснинг жуда яхши зарбаси бор. 

Жисмоний ҳолат? Йўқ, ўйинда очко йўқотиш бу билан боғлиқ эмас. Бу кўпроқ руҳий чарчоқ билан боғлиқ. Ахир, сўнгги 50 кун ичида 17та ўйинда майдонга тушдик. Бу жамоани руҳан чарчатди», - дейди Анчелотти.

Маълумот учун, «Реал» 23 ўйиндан кейин 52 очко жамғариб, турнир жадвалида 2-ўринда бормоқда. «Барса» эса 22 ўйиндан кейин 59 очкога эга.