«ПСЖ» ҳужумчиси Лионель Мессининг акаси Матиас Месси «Барселона» ҳақида айтган сўзлари учун узр сўради.

«Ижтимоий тармоқларда билдирган фикрларим учун узр сўрамоқчиман: Мен шунчаки ўғлим ва дўстларим билан ҳазиллашгандим. Ахир, менинг оилам ва Леога кўп нарса берган «Барселона»дек катта ва буюк тарихга эга жамоа ҳақида қандай қилиб бундай ўйлашим мумкин? Каталония – биз учун иккинчи уйимиз ва буни барча яхши билади. Бундан жуда афсусдаман, айниқса «Барселона» мухлисларидан узр сўрайман», - дея ёзади Лионелнинг акаси Матиас Месси.

Эслатиб ўтамиз, куни кеча Матиас «Месси «Барселона»га қайтмаслиги, қайтган тақдирда клуб президенти Жоан Лапортани ишдан олиши» ҳақида айтиб, «Барса» Мессининг ортидан машҳурликка эришгани» ҳақида гапирганди.