«Тоттенҳэм» бош мураббийи Антонио Конте операциядан кейин Англияга қайтди.

Sky Sports хабарига кўра, италиялик мутахассис ўтган ҳафтада шошилинч тарзда ўт пуфагини олдириш бўйича жарроҳлик амалиётини бошдан кечиргач, ҳозирда ўзини яхши ҳис қилмоқда. Контега холецистит ташхиси қўйилган.

Қайд этилишича, Контенинг даволаниш жараёни ҳали давом этади ва унинг 11 февраль куни «Лестер»га қарши баҳсда «Тоттенҳэм» бош мураббийи сифатида иштироки сўроқ остида. 

Маълумот учун, «Тоттенҳэм» АПЛ турнир жадвалида 22 ўйиндан кейин 39 очко билан 5-ўринда бормоқда. Конте «Сити»га қарши ўйинда ҳам иштирок этмаганди.