«Арсенал» бош мураббийи Микель Артета АПЛ 22-туридан ўрин олган «Эвертон» билан ўйиндан сўнг ўз фикрларини билдирди.

«Тўпга кўп эгалик қилдик, аммо майдоннинг охирги учинчи қисмида сифатли ҳаракатлар етишмади. Кўп вазиятлар яратдик, лекин кейин тўп ўтказиб юбордик. Рақиб ўйинни секинлаштирди ва бизда муаммолар пайдо бўлди. 

«Эвертон» буни ҳар бир жамоага қарши қилади, бу — уларнинг жисмоний кучи, ўйинчиларнинг бўйини ҳисобга олган ҳолда. Агар уларга қарши баҳсда ўйинни назорат қилишни истасангиз, бу билан шуғулланишингиз керак. Бугун уддалай олмадик. 

Хотиржамроқ ўйнашимиз, ўйинни ҳиссий жиҳатдан назорат қилишимиз керак эди. Жуда кўп кераксиз қоидабузарликларга йўл қўйдик, айнан шу нарса «Эвертон»га керак эди.

Ҳозир футболчиларимни бир ҳафта ёки бир ой аввалгидан кўра кўпроқ яхши кўраман. Ғалаба қозонган одамнинг ёнида бўлиш осон. Барча футболчилар билан фахрланаман, улар муваффақиятга лойиқ. 

Йўлимизни атиргул барглари тўса олмайди. Осон бўлмайди ва биз бугунгидан яхшироқ ўйнашимиз керак», — дея Артетанинг сўзларини келтиради ВВС.