«Ливерпуль» бош мураббийи Юрген Клопп «Челси»нинг трансфер харажатлари ҳақидаги саволга ҳазил билан жавоб қайтарди.

Лондон клуби бу қишда 323 млн фунт сарфлади — бу Ла Лига, А Серия, Бундеслига ва Лига 1нинг барча клублари харажатлари йиғиндисидан ҳам кўп.

«Адвокатимсиз жавоб беришдан бош тортаман. Футболнинг бу томони ҳақида ҳеч нарсани тушунмаяпман, лекин бу —жуда катта миқдор. Уларнинг барча янги ўйинчилари — жуда яхши футболчилар, шунинг учун табриклайман.

Бу қандай бўлишини тушунмаяпман, лекин қандай ишлашини тушунтиришим ҳам шарт эмас», — дея Клоппнинг сўзларини келтиради Liverpool Echo.