ФИФА «Барселона»га «Лос-Анжелес Гэлакси» ҳимоячисини сотиб олишга рухсат бермади.
Каталония клуби Хулиан Араухонинг трансферини 4 млн еврога келишганди, футболчи билан 2026 йилнинг июнигача шартнома имзоламоқчи эди. Аммо «Барса» трансферни рўйхатдан ўтказишда 18 сонияга кечикди.
Ла Лига пешқадами келишувни ижобий ҳал қилиш учун ФИФАга мурожаат билан чиқди. Бироқ ташкилот ўнг қанот ҳимоячисининг трансфери амалдаги қоидаларга кўра якунланмаганини маълум қилди.
Мексикалик 21 ёшли футболчи ўтган мавсумда «ЛА Гэлакси» сафида барча турнирларда 40 ўйинда майдонга тушиб, 1та гол урган ва 5та голга ассистентлик қилган.
