Серхио Рамос Чемпионлар Лигаси плей-офф босқичи бошланишига қадар жароҳатидан тикланиши мумкин.
Эслатиб ўтамиз, «ПСЖ» ҳимоячиси Лига 1 21-турида «Монпелье»га (3:1) қарши ўйинда сон мушакларидан жароҳат олиб, 21-дақиқада алмаштирилганди.
L'Equipe хабарига кўра, жароҳат жиддий эмас. Катта эҳтимол билан 36 ёшли испан Чемпионлар Лигасининг 1/8 финалида «Бавария»га қарши биринчи ўйинда иштирок эта олади. Беллашув 14 феврал куни бўлиб ўтади.
Тикланишнинг аниқ муддати кейинги текширувлардан сўнг маълум бўлади.
Маълумот ўрнида, Рамос бу мавсум Лига 1да 19та ўйинда майдонга тушди.
