«Арсенал» клуби жамоа ҳужумчиси Габриэл Мартинелли билан келишув узайтирилганини эълон қилди.

Лондон клуби бразилиялик футболчи билан 2027 йилга қадар янги шартнома имзолади. Унга кўра, келишувни автоматик тарзда 2028 йилгача узайтириш банди киритилган.

Мартинелли билан амалдаги келишув 2024 йилга қадар имзоланган эди.

Маълумот учун, Габриэл 2019 йил «Итуано»дан «Арсенал»га кўчиб ўтганди. У ҳозиргача жамоа сафида 76 ўйинда майдонга тушди.

Жорий мавсумда эса Мартинелли жами 27 ўйинда 7та гол ва 3та ассистга муаллифлик қилган.