«Манчестер Юнайтед» бош мураббийи Эрик тен Ҳаг «Ноттингем Форест»га (2:0, биринчи ўйин —3:0) қарши Англия Лига Кубоги яримфиналидан сўнг ўз фикрлари билан ўртоқлашди.
«Албатта, агар яримфиналда ғалаба қозонсангиз, ҳаммаси жойида. Тўғрисини айтсам, биринчи бўлимда унчалик яхши ўйнамадик. Жуда секин ҳаракат қилдик ва кўп имкониятлар яратмадик. Иккинчи бўлим анча яхши ўтди, темп юқори бўлди ва ажойиб голлар урдик.
Биринчи ўйиндан сўнг 3:0 ҳисобида олдинда эдик, шунинг учун рақибга импульс беришни хоҳламадим. Улар қайтиш учун ягона имкониятни кутишганди. Бўшлиқларни қидирдик, лекин менимча, «Форест» яхши ўйнади, зич ҳимояланди ва ҳеч нарса тополмадик.
Жаҳлимиз чиқди демаган бўлардим, лекин ақллироқ ўйнашимиз керак эди. Агар ютқазишни истамасак, тўпни ўзимизда сақлашимиз керак.
Ҳар куни яхшиланишни хоҳлаймиз. Ўйлайманки, бизда яхши жамоа бор, шунинг учун талаб қилишимиз ва юқори стандартларни сақлашимиз керак. Биз «Манчестер Юнайтед»миз. Бу жамоа ўйинчиси бўлганингда, стандартларга риоя қилишинг керак.
Бу мавсумда биз жуда кўп муросага келишга мажбур бўлдик, шунинг учун умид қиламанки, ҳамма соғлом бўлади. Агар кубокларни ютиб олишни истасангиз, барча таркибда бўлиши керак. Ушбу ўйинда кўринганидек алмаштиришлар куч қўшиши мумкин», — деди манкунианликлар устози Sky Sports нашрига.
«МЮ» турнир финалида 26 феврал куни «Ньюкасл» билан ўйнайди.
