Саша Лукич «Торино»дан «Фулҳэм»га ўтди.

Инглиз клуби сербиялик 26 ёшли яримҳимоячи билан шартнома имзолаганини эълон қилди. Битим 4,5 йилга мўлжалланган ва уни яна бир мавсумга узайтириш мумкин.

The Athletic хабарига кўра, келишув лондонликларга 8 млн фунт стерлингга тушган.

Лукич «Торино»да 2016 йилдан бери ўйнаб келаётганди. У бу мавсумда А Серияда 16та ўйин ўтказиб, 2та гол урган.