Энцо Фернандеснинг трансфери Премьер-лига рекордини янгилади.

Эслатиб ўтамиз, «Челси» «Бенфика» билан 22 ёшли яримҳимоячининг трансферини 120 млн еврога (105 млн фунт) келишиб олди. 

Фабрицио Романонинг сўзларига кўра, аргентиналик футболчи
«кўклар» билан 2031 йилгача шартнома имзолади.

Фернандес АПЛ тарихидаги энг қиммат футболчига айланади. Трансфер нархи бўйича аввалги рекорд Жек Грилишга тегишли эди. У 2021 йилда 117 млн евро (100 млн фунт) эвазига «Астон Вилла»дан «Манчестер Сити»га ўтганди.

Маълумот учун, яримҳимоячи бу мавсумда Португалия чемпионатида 17та ўйинда майдонга тушиб, 1та гол ва 5та ассистни ўз ҳисобига ёздириб қўйган.