Диего Симеоне «Атлетико» Чемпионлар Лигаси ва Испания Кубогидан чиқиб кетганидан кейин жамоанинг мотивацияси ҳақидаги саволга жавоб берди.

«Атлетико»нинг ўзига хос қараши бор. Ишлар нотўғри бўлса ҳам, курашни тўхтатмаслигимиз ва ўз позициямизда туришимиз керак. 

Чемпионлар Лигасидан, Испания Кубогидан чиқиб кетдик, энди ҳамма мендан мотивация ҳақида сўраяпти. Мотивация — «Атлетико»да ўйнаш. Мен шу ерда эканман, буни талаб қилишимга шубҳам йўқ. 

Жамоа учун жуда хурсандман. Жаҳон чемпионатидан қайтганидан кейин ҳамма яхши ва барқарор ишлаяпти. Биз эришмоқчи бўлганларимизга яқинлашаётганимизни ҳис қиляпмиз. 

«Осасуна» ўз майдонида жуда кучли ва сўнгги дақиқалар оғир кечганлиги учун қарши ҳужумлар амалга ошира олмадик», – деди Памплона клуби билан ўйиндан (1:0) кейин «Атлетико» бош мураббийи. 

Испания Кубоги 1/4 финалида «Атлетико» қўшимча бўлимларда «Реал»га (1:3) имкониятни бой берди. ЕЧЛда эса жамоа гуруҳда охирги ўринни эгаллади.