«Ливерпуль» бош мураббийи Юрген Клопп Англия Кубоги 1/16 финалидан ўрин олган «Брайтон» (1:2) билан ўйиндан сўнг ўз фикрларини билдирди.

«Бу ерда яқинда ўйнагандик (АПЛда, 0:3), ўшанда ўз даражамизга яқинлашмаган ҳам эдик.

Бугун яхши ўйнадик, аммо стандарт вазиятлардан 2та гол ўтказиб юбордик. Бундай қилиш мумкин эмас.

Чап қанот ҳимоясида Робертсон билан ҳаммаси жойида эди, чунки жамоа унга ёрдам берди, ўнгда эса Трент қўллаб-қувватланмади.

Митома жуда яхши, шунинг учун қийин бўлди. Лекин иккала голда ҳам яхшироқ ҳимояланишимиз мумкин эди. Биринчи голда рикошет бўлди, лекин зарбани тўсиб қўйишимиз мумкин эди.

Жуда ёқимли туйғу эмас. Вақт ўтиши билан ижобий нарсаларни кўришимиз мумкин, кейинги босқичга чиқишни хоҳлагандик. «Брайтон»ни табриклайман», — дея мерсисайдликлар устозининг сўзларини келтиради ВВС.