Зинедин Зидан Франция миллий жамоасидан ташқари яна уч клубда ишлашга тайёр, дея хабар бермоқда The Athletic.

Нашрнинг Зиданга яқин манбаларига кўра, франциялик мутахассис яқин йилларда Франция миллий жамоасида ишламаслигини тушуниб турибди. Сабаби Дидье Дешам камида Евро-2024 якунига қадар бош мураббий сифатида қолади. Шу боис у клубларда фаолият бошлаш вариантини кўриб чиқмоқчи. Қайд этилишича, Зидан фақат уч клуб «Реал», «Ювентус» ва «Марсель»дан тушадиган таклифларни кўриб чиқиши мумкин. У учинчи марта Мадридга қайтишга қарши эмас.

«Зинеддин «Марсель» клубида ҳам иш бошлашга тайёр, фақат бунинг учун клуб «ПСЖ» билан жиддий рақобатга киришадиган имкониятга эга бўлиши ва совринлар учун курашиши лозим. У бунга қадар «ПСЖ» таклифини рад этгани сабабларидан бири ҳам ўзи туғилган шаҳар жамоаси ва болалигидаги севимли клуби «Марсель»ни ёқтириши ва ҳурмат қилиши билан боғлиқ», - дейилади хабарди.

Қайд этиш жоиз, Зидан фаолияти давомида «Кан», «Бордо», «Ювентус» ва «Реал» клубларида тўп сурган. У 2021 йилда «Реал»ни тарк этгач, ҳозиргача ишсиз саналади.