Англия Лига Кубоги иккинчи яримфиналида «Манчестер Юнайтед» сафарда «Ноттингем Форест»ни йирик ҳисобда енгди. Рэшфорд сўнгги 10 ўйиндаги 10-голини урди, Вегҳорст дебют тўпини киритди, Фернандеш ҳам ўз номини таблога ёздириб қўйди.

Жавоб беллашуви 1 феврал куни «Олд Траффорд»да ўтказилади. 

Эслатиб ўтамиз, биринчи яримфиналнинг дастлабки баҳсида «Ньюкасл» меҳмонда «Саутҳэмптон»дан минимал ҳисобда устун келганди.

Англия Лига Кубоги. Яримфинал
Биринчи ўйин
Ноттингем Форест — Манчестер Юнайтед 0:3
25 январ, «Сити Граунд»
Голлар: Рэшфорд  (6), Вегорст (45), Фернандеш (89).
Ноттингем Форест – Ҳеннесси, Орье, Маккенна, Уоррелл, Лоди (Уильямс, 73), Фройлер, Скарпа (Лингард, 64), Данило (Колбэк, 58), Гиббс-Уайт (О`Брайен, 73), Серриж (Деннис, 64), Жонсон. 
Манчестер Юнайтед – Де Хеа, Уан-Биссака, Линделёф, Мартинес, Маласиа, Эриксен (Фред, 71), Каземиро, Фернандеш, Вегорст (Эланга, 85), Рэшфорд (Гарначо, 57), Антони (Пельистри, 71).
Огоҳлантириш: Пельистри (84).