«Челси» бош мураббийи Грэм Поттер АПЛ 21-туридан ўрин олган «Ливерпуль» (0:0) билан ўйиндан сўнг ўз фикрларини билдирди. 

«Яхши ўйнадик, деб ўйлайман. Жамоадан, унинг энергиясидан мамнунман. «Энфилд»да доим қийин. Тўп ўтказиб юбормадик ва очко олдик, энди эса давом этамиз.

Биринчи бўлимда яхши ўйнадик, гол уришимиз мумкин эди — омад келмади. Иккинчи бўлимни рақиб яхши бошлади, бироқ бироз ўзгаришлар қилдик ва назоратни ўз қўлимизга олдик. Умуман олганда, биз учун яхши кун. Аммо 3 очкони қўлга киритишни хоҳлаган эдик.

Мудрик анчадан бери ўйнамаган, у таътилда эди. Унинг майдондаги дақиқаларини чеклашимиз керак эди, лекин маҳоратини кўрсата олди», — дея Поттернинг сўзларини келтиради ВВС.