«Ньюкасл» АПЛ 21-турида «Кристал Пэлас» билан 0:0 ҳисобида дуранг ўйнагач, клуб рекордини ўрнатди.

Эдди Ҳау шогирдлари Премьер-лигада 31 августда «Ливерпул»га (1:2) мағлуб бўлгандан буён ютқазмади. Ўшандан кейин жамоа лигада 9 ғалаба ва 6 дуранг қайд этди.

АПЛда 15 ўйинлик мағлубиятсиз серия «Ньюкасл» тарихида рекордга айланди.

«Зағизғонлар» айни дамда 20 баҳсда 39 очко тўплаб, 3-ўринда боришмоқда. 4-поғонадаги «Манчестер Юнайтед» ҳам шунча очкога эга, бироқ манкунианликларда захира ўйини бор.