«Ливерпуль» бош мураббийи Юрген Клопп АПЛ 21-туридан ўрин олган «Челси» (0:0) билан ўйиндан кейин ўз фикрларини билдирди. 

«Биринчи бўлимни ҳам, иккинчи бўлимни ҳам яхши бошладик. Бизда ажойиб дақиқалар бўлди, лекин доим шундай ўйнай олмадик.

Олдинга кичик қадамлар ташлашга тайёргарлик кўришимиз керак ва бу — улардан бири. «Челси»га қарши ўйинда тўп ўтказиб юбормадик, кўп вазиятлар яратмадик, аммо рақибга ҳам имкон бермадик. 

Иккинчи бўлимда иштиёқ билан ва зич ҳимояландик, лекин жуда ортдан ўйнадик. Умуман олганда, голсиз дурангдан қониқдим. Ўз ўйинимизни қуришимиз мумкин», — деди германиялик мутахассис BT Sport'га.