Бразилия футбол федерацияси Луис Энрикега қизиқмоқда.
Mundo Deportivo нашрининг UOL'га таяниб хабар беришича, Испания миллий жамоасининг собиқ устози Бразилияда худди шундай лавозимга номзодлар рўйхатидан жой олган.
Федерация вакиллари «Вальядолид» президенти, «пентакампеонлар» афсонаси Роналдога Энрике билан боғланиш ва уни миллий жамоага таклиф этиш илтимоси билан мурожаат қилишди. Собиқ футболчилар «Барселона»да бирга ўйнашган.
Эслатиб ўтамиз, Бразилия ЖЧ-2022 чоракфиналида Хорватияга мағлуб бўлиб, мусобақани тарк этганидан сўнг бош мураббий Тите истеъфога чиққанди.
