Англия чемпионатининг 21-туридан ўрин олган марказий ўйинда пешқадам «Арсенал» 4-ўриндаги «Манчестер Юнайтед»ни қабул қилди. 

Юқори темпда ўтган голларга бой беллашувда мезбонлар сўнгги дақиқаларда ғалабани илиб кетишди. Нкетианинг дубли ва Саканинг голига манкунианликлардан Рэшфорд ҳамда Мартинес жавоб беришди.

«Арсенал» очколарини 50тага етказиб, етакчиликни давом эттирмоқда ва 2-ўриндаги «Манчестер Сити»дан (45) 5 очкога олдинда. Шунингдек, Артета жамоаси захирасида бир ўйин бор. «МЮ» эса 39 очко билан 4-поғонада қолди.

АПЛ. 21-тур
Арсенал — Манчестер Юнайтед 3:2
22 январ, «Эмирейтс»
Голлар: Нкетиа (24, 90), Сака (53) — Рэшфорд (17), Мартинес (59).
Арсенал – Рэмсдейл, Уайт (Томиясу, 46), Габриэл, Салиба, Зинченко, Жака, Парти, Эдегор (Ҳолдинг, 90+3), Сака, Нкетиа, Мартинелли (Троссард, 82).
Манчестер Юнайтед – Де Хеа, Уан-Биссака, Варан (Гарначо, 90+2), Мартинес, Шоу, Эриксен, Фернандеш, Мактоминей, Вегорст, Рэшфорд, Антони (Фред, 71).
Огоҳлантиришлар: Уайт (19), Антони (47), Шоу (83).