«Реал» бош мураббийи Карло Анчелотти Испания Суперкубоги финалида «Барселона»дан (1:3) учралган мағлубиятдан сўнг ўз фикрларини билдирди.

«Бу ўйиндан сабоқ олишимиз керак, деб ўйлайман. Ҳозир жамоа учун қийин пайт. Буни ҳамма айтмоқда.

Жамоа энг яхши формада эмаслиги маълум эди. Бу ўйин бизга бир қанча камчиликларни кўрсатди. Биз қайтамиз. Ва энди кейинги ўйинга тайёргарлик кўришимиз керак.

Баҳс бошида тенглик кузатилди, аммо «Барселона» биринчи голни урди ва ўзига ишончи ортди. Бир жамоа бўлиб ўйнашимиз керак.

Хатоларни қандай тузатишга келсак, футболчиларга шу вазиятларни кўрсатиб, ишлаймиз.

«Валенсия»га қарши ўйинда ҳимояда яхши элементларини кўрсатдик, аммо бугун яна хатога йўл қўйдик. Бунинг устида ишлашимиз керак», — деди италиялик мутахассис Movistar нашрига берган интервьюсида.