«Салернитана» жамоа устози Давиде Никола истеъфога чиқарилганини эълон қилди.

Клуб расмий сайти хабарига кўра, клуб А Серия 18-тури доирасида «Аталанта»дан учралган 2:8 ҳисобидаги мағлубиятдан кейин италиялик мутахассис билан келишувни бекор қилган.

«Салернитана» А Серия жорий мавсумида 18 ўйиндан кейин 18 очко жамғариб, 16-ўринни эгаллаб турибди. Клуб бу мавсум бор йўғи 4 ўйинда зафар қучган. Жамоанинг сўнгги ғалабаси октябрь ойида «Лацио» устидан қозонилган (3:1). Ўшандан буён «Салернитана» 6 ўйинда 2 очко жамғарди.

Маълумот учун, 49 ёшли Давиде Никола жамоада 2022 йилнинг февраль ойидан буён бошқариб келаётганди.

Ушбу турда «Кремонезе» ҳам бош мураббийи Массимилиано Альвинини истеъфога чиқарганди.