«Ливерпуль» бош мураббийи Юрген Клопп Англия Кубоги 1/32 финалидан ўрин олган «Вулверҳэмптон»га (2:2) қарши ўйиндан сўнг ўз фикрларини билдирди.

«Яхши бошладик, устунлик қилдик. Бизда жуда яхши эпизодлар бўлди. Кейин керак бўлмаган голни ўтказиб юбордик, лекин Али (Алиссон) бизни қанчалик тез-тез қутқариб қолишини ҳаммамиз биламиз.

Ажойиб гол билан қайтдик ва танаффусда яхшиланиш, уларга кўпроқ муаммо туғдириш учун нима қилишимиз кераклигини аниқ тушундик.

Устунлик қилдик, аммо кейин рақиб ишга тушди ва яккакурашларда камроқ юта бошладик. Рақиб биз учун катта муаммолар яратди. Ҳисоб тенглашганида омадимиз келмади, лекин ҳужумчини жарима майдончаси ичида бундай қўйиб юбормаслик керак эди», — дея Клоппнинг сўзларини келтиради ВВС. 

Дуранг қайд этилгани учун жамоалар ўртасида қайта ўйин ўтказилади.