Суперлига янги мавсумига тайёргарлик кўраётган «Нефтчи» клуби ўз сафига яна бир футболчини қўшиб олди.

«Навбаҳор» клубининг яна бир футболчиси «Нефтчи» сафига қўшилди.

«Бугун клуб раҳбарияти навбатдаги трансферни амалга оширди. Ўтган мавсумда «Навбаҳор» таркибида тўп сурган тажрибали яримҳимоячи Диёржон Туропов «Нефтчи» билан шартнома имзолади», - дейилади клуб хабарида.

Маълумот учун, Туропов ўтган мавсумнинг биринчи даврасини Тошкентнинг «Локомотив», иккинчи қисмини Наманганнинг «Навбаҳор» клубларида ўтказган. Суперлигада 21 ўйинда майдонга тушиб, 2та гол ва шунча ассистга муаллифлик қилган.

Аввалроқ, «Навбаҳор»дан Нурулло Тўхтасинов ҳам Фарғона клубига кўчиб ўтганди.