АПЛ расмий сайти 30 декабрь – 1 январь кунлари бўлиб ўтадиган 18-тур учрашувлари бир дақиқалик сукут билан бошланишини эълон қилди.

Премьер-лига 18-туридан ўрин олган барча учрашувлардан олдин куни кеча вафот этган футбол қироли Пеле хотирасига 1 дақақалик сукут – олқишлар дақиқаси ўтказилади. 

Ўйиннинг барча иштирокчилари – футболчи ва ҳакамлар қора боғичларда майдонга тушишади. 

Эслатиб ўтамиз, Пеле узоқ давом этган хасталикдан сўнг 29 декабрь куни 82 ёшда вафот этди.

Маълумот учун, АПЛ 18-тури бугун, 30 декабрь оқшомидаги «Вест Ҳэм» - «Брентфорд» ўйини билан бошланади. Учрашув соат 00:45да бошланади. «Ливерпуль» - «Лестер» баҳси эса соат 01:00га белгиланган.