«Манчестер Сити» бош мураббийи Хосеп Гвардиола АПЛ 17-туридан ўрин олган «Лидс»га (3:1) қарши ўйиндан сўнг ўз фикрлари билан ўртоқлашди.
«Жуда яхши ўйнадик, айниқса, иккинчи бўлимда рақиб кўпроқ очила бошлади.
Жаҳон чемпионатидан кейин жамоалар қандай ўйнашини ҳеч ким билмасди. Бугун тўп билан муомалада ажойиб ўйнадик. Яримҳимояда Льюис ва Родрининг ўзаро ҳаракати ажойиб эди.
Ҳоланд (дубль муаллифи) кўп гол уради, лекин бундан ҳам кўпроқ тўп киритиши мумкин. У бизга катта ёрдам беради», — дея Гвардиоланинг сўзларини келтиради ВВС.
