Франция миллий жамоаси етакчиларидан бири Антуан Гризманн Лионель Месси етакчилигидаги Аргентинага қарши кечадиган финал ҳақида фикрини билдирди.
«Мессиси бор исталган жамоа бошқа даражада бўлади. Биз Аргентина миллий жамоасининг ЖЧ-2022даги барча ўйинларини кузатдик. Улар қандай ўйнашини яхши биламиз. Аргентина ҳозирда энг яхши спорт формасида, бундай жамоага қарши ўйнаш қийин.
Албатта, рақиб сафида фақат Месси эмас, унинг атрофида кучли жамоа йиғилган. Бизни оғир ўйин кутиб турганини тушуниб турибмиз. Стадионда Аргентина жуда катта қўллаб-қувватлашга эга бўлишини ҳам биламиз.
Финалгача пухта тайёргарлик кўришимизга ишонаман. Биз қандай ҳимояланишимиз ва ҳужумга ўтишимиз ҳақида ўйлаймиз, албатта. Финалда барча жуда кучли тайёргарлик билан майдонга тушишимизга шубҳа йўқ», - дейди Франция ва «Атлетико» футболчиси.
Маълумот учун, Антуан ЖЧ-2022да 6 ўйинда майдонга тушиб, голлари ҳисобини ҳали очганича йўқ.
Эслатиб ўтамиз, Франция – Аргентина ўртасидаги финал 18 декабрь куни ўтказилади.
