Аргентина миллий жаммаси бош мураббийи Лионель Скалони ЖЧ-2022 яримфиналидан ўрин олган Хорватияга (3:0) қарши баҳслан сўнг ўз фикрлари билан ўртоқлашди.
«Ҳозир ғалабани нишонлаяпмиз, чунки бу — жуда ҳаяжонли воқеа. Аммо олдинда яна бир қадам бор. Ҳа, ҳозир завқланиш вақти келди, лекин олдинда нима кутаётгани ҳақида ҳам ўйлашимиз керак.
Ўйиннинг дастлабки дақиқаларида хорватлар тўпни эгаллаб олишди, аммо бу содир бўлиши мумкинлигини билгандик. Уларнинг яримҳимоясига қарши ўйнаш қийин. Ўйинга қараб ҳаракат қилиш кераклигини тушундик. Қилишимиз керак бўлган нарсани бажардик.
Хавотир олмасликка ҳаракат қиламан. Мен ҳар бир аргентиналик орзу қиладиган жойдаман.
Баъзида биз буни фақат аргентиналик бўлганимиз учун айтаётгандек туюлади, лекин менимча, Месси — тарихдаги энг зўри. Бунга шубҳам йўқ», — дея Скалонининг сўзларини келтиради Аргентина ФА расмий саҳифаси.
