Португалия миллий жамоаси ҳужумчисига «Манчестер Юнайтед» клуби қизиқиш билдирмоқда.

Премьер-лига клуби эътиборини ЖЧ-2022даги ягона ҳет-трик муаллифи Гонсалу Рамуш тортди (1/8 финалда Швейцарияга, 6:1).

Фабрицио Романонинг сўзларига кўра, «МЮ» «Бенфика»нинг 21 ёшли ҳужумчисининг ўйинини кузатиш учун бир неча бор скаутларни юборган.

Криштиану Роналду билан шартнома бекор қилинганидан сўнг, инглиз клуби ҳужумчини қишки трансфер ойнасидаёқ қўлга киритиш ниятида.

Ёш футболчига «Бавария», «ПСЖ» ва «Ювентус» ҳам қизиқмоқда. «Бенфика» Гонсалу учун унинг товон пулини — 120 млн евро сўрайди.

Бу мавсумда Рамуш Португалия чемпионатининг 11та ўйинида 9та гол урди.