Суперлига-2022 баҳслари якунига етгач, «Бунёдкор»ни тарк этган Умарали Раҳмоналиев Россиянинг «Рубин» клуби сафига бориб қўшилди.

Қозон клуби расмий саҳифаси хабарига кўра, «Рубин» август ойида Раҳмоналиев билан келишувга эришган. 19 ёшли яримҳимоячи клуб билан 3,5 йиллик шартнома имзолаган. 

«Умаралининг «Бунёдкор» билан амалдаги келишуви 31 декабрь куни якунланса-да, «Рубин» Тошкент клуби билан футболчининг Қозонга эртароқ келиши масаласида келишувга эришди. Қозонга хуш келибсан, Умарали!», - дейилади Татаристон клуби хабарида.

Маълумот учун, 19 ёшли яримҳимоячи жорий мавсум «қалдирғочлар» сафида 25 ўйинда 7та голга муаллифлик қилган.

Эслатиб ўтамиз, «Рубин» сафига ҳимоячи Рустам Ашурматов ҳам бориб қўшилади. Клуб Россия қуйи лигасида 18 ўйиндан кейин 31 очко билан 5-ўринни эгаллаб турибди.