Криштиану Роналдунинг «Манчестер Юнайтед»даги фаолияти якунига етган кўринади.
ESPN хабарига кўра, Роналдунинг шов-шувли интервьюси юзасидан душанба куни клубда ўтказилган йиғилишда Эрик тен Ҳаг Криштиану ҳаддидан ошгани ва жамоада ортиқ ўйнамаслиги кераклигини айтган.
Қайд этилишича, «Манчестер Юнайтед» таркибидаги аксарият етакчи ўйинчилар ҳам Роналдунинг интервьюсидан норози бўлган. Улар бош мураббийни қўллаб-қувватлаган. Жамоа «Фулҳэм» устидан қозонилган ғалабадан (2:1) кейин Лондондан қайтишда Криштианунинг интервьюсини муҳокама қилиб келган.
Аввалроқ, клуб футболчининг сўзларидаги фактларни ўрганаётгани ва шундан сўнг унга нисбатан қандай чора кўрилиши ҳақида қарор қабул қилиниши маълум қилинганди.
