Украина футбол ассоциацияси ижро қўмитаси ФИФАга сиёсий сабаблар туфайли Россия ва Эронни четлатиш бўйича мурожаат қилди.
ТАСС ахборот агентлиги ва Sky Sports хабарига кўра, Украина футбол ассоциацияси Россия футбол иттифоқини ФИФА аъзолигидан маҳрум этишни сўраган. Россиянинг четлатилишига эса Қрим ва Украинанинг босиб олинган бошқа ҳудудлари (ДХР, ЛХР, Запорожье ва Херсон) шарафини ҳимоя қилувчи клубларни РФИ томонидан Россия чемпионатларида иштирок этишга рухсат берилгани асос сифатида келтирилмоқда.
Шунингдек, Украина томони Эрон миллий жамоасини ҳам Қатардаги жаҳон чемпионатидан четлатилишини сўраган. Мурожаатда «инсон ҳуқуқларининг бузилиши» ва бу мамлакатнинг Украинадаги урушда «эҳтимолий иштироки» сабаб сифатида кўрсатилган. Украина томони форсларнинг Россияга қурол етказиб бериш билан ФИФАнинг 3 ва 4-устави бандларини бузаётганини қайд этган.
Эслатиб ўтамиз, аввалроқ эронлик футболчилардан Сардор Озмун, миллий жамоанинг афсонавий ўйинчиси Али Дайи мамлакатда аёллар ҳуқуқлари бузилаётгани, кучишлатар тизимларнинг зўравонлиги сабаб Эрон миллий жамоасини жаҳон чемпионатида четлатишни сўраган эди.
