«Атлетико» бош мураббийи Диего Симеоне ЕЧЛ 5-туридан ўрин олган «Байер» (2:2) билан ўйиндан сўнг ўз фикрларини билдирди. 

Баҳснинг 90+9-дақиқасида яримҳимоячи Янник Феррейра Карраско пенальтидан фойдалана олмади ва натижада мадридликлар плей-оффга чиқиш имкониятини йўқотишди. 

«Якун Чемпионлар Лигасида қандай ўйнаганимизни акс эттиради. Пенальтилар, тўсинга зарба бериш, Каррасконинг адашиши... Бизнинг кампаниямиз шундай кўриниш олди. 

Баҳона изламаймиз. Ўзимиздан талаб қилинганини бажара олмадик. Кейинги ўйиндан кейин Чемпионлар Лигасида иштирок этмаслигимиз ачинарли. 

Ўйинчилар иккинчи бўлимдагидек борини берганларида ўзимизни бир жамоа сифатида кўраман. Зарба оғир, кутилмаган, лекин бори  шундай. Энди иккита йўл бор — жабрланувчи ёки кучли бўлиш. 

Карраско ажойиб ўйин ўтказди, у ўз даражасига қайтди. Ҳатто қийин пайтларда ҳам яхши жиҳатни топишингиз мумкин. 

Курашни давом эттирмоқчиман. Гуруҳда биринчи ўринга даъвогарлик қилаётган «Порту»ни мағлуб этишимиз керак. «Брюгге» Германияда ютқазиши мумкин», — дея Симеоненинг сўзларини келтиради Marca.