Пеп Гвардиола Юрген Клоппдан кўра «Ливерпул»га кўпроқ ишонади.
Тахминан икки ҳафта олдин мерсисайдликлар бош мураббийи жамоа энди Премьер-лига чемпионлиги учун курашда иштирок этмаслигини айтганди.
«Ливерпул»га унинг мураббийидан кўра кўпроқ ишонаман. Жаҳон чемпионати олдидан бор-йўғи 10та тур ўтди ва бир қатор ўйинлар, жумладан, Европа мусобақалари, кубок турнирлари, жароҳатлар ...
Агар 6-7 ўйин қолган бўлса, ҳа «Ливерпуль» чемпионлик пойгасидан чиқиб кетди, деб айтардим. Аммо атиги 10та ўйин ўтди – ҳали миллиардлаб нарса содир бўлиши мумкин», — дея «Манчестер Сити» бош мураббийининг сўзларини келтиради The Telegraph.
10та ўйиндан сўнг «Ливерпул» АПЛда 7-ўринда бормоқда ва 2-ўриндаги «Сити»дан 7 очкога ортда қолмоқда.
