«Арсенал» бош мураббийи Микель Артета Европа Лигаси 2-туридан ўрин олган ПСВга (1:0) қарши қолдирилган баҳсдан сўнг ўз фикрлари билан ўртоқлашди.
Лондон клуби ғалабадан сўнг муддатидан аввал плей-оффга йўлланма олди.
«Кучли рақиб билан ўйинда биз устунлик қилган дақиқалар кўп бўлди. Охирги узатма ёки зарбалат етишмади. Лекин якунда ғалаба қозониб, плей-оффга чиққанимиздан хурсандмиз, бу — биз учун биринчи қадам.
Биринчи ва иккинчи ўрин ўртасидаги фарқ жуда катта, кейинги ҳафтада ишни тугатмоқчимиз.
Европа мусобақаларида рақибни назорат қилишингиз керак. ПСВ — жуда иқтидорли ва ғалабаларга ўрганган жамоа. Улар кўп голлар уришаётгани ҳайратланарли. Аммо биз мукаммал жамоадек ўйнадик», — деди Артета ВТ Sport нашрига.
