Верратти Италиянинг сентябрдаги ўйинларини ўтказиб юборади. Унинг ўрнига «Сассуоло» футболчиси чақирилади
Сешанба, 20 Сентябр
1873
Фото: Getty Images

Марко Верратти жароҳати сабаб Италия миллий жамоасининг Миллатлар Лигасидаги бўлажак ўйинларини ўтказиб юборади. 

«ПСЖ»нинг хабар беришича, яримҳимоячига чап болдир мушагида кўкариш ва чуқур гематома ташхиси қўйилган. У «Лион»га (1:0) қарши ўйинда жароҳат олганди. Шу муносабат билан Марко клубда тикланади ва миллий жамоага бормайди. Унинг тикланиш вақти кейинроқ маълум қилинади. 

Италияликлар бош мураббийи Роберто Манчини ҳам яримҳимоячининг жароҳатини тасдиқлади: «Верратти ўйнай олмайди. У жароҳат олди, ҳатто юра олмайди. Эҳтимол, Фраттезини чақириб кўрамиз. 

Тоналида, менимча, жиддий муаммо йўқ, Пеллегринининг аҳволи бугун ёки эртага баҳоланади, Политано эса тўлиқ соғлом», — деди мураббий. 

Италия 23 сентябрда Англия, 26 сентябрда Венгрия билан ўйнайди.

Теглар

Ўхшаш янгиликлар