«Фенербахче» клуби билан хайрлашган Месут Ўзил фаолиятини Туркиянинг бошқа клубида давом эттирадиган бўлди.
«Истанбул Башакшеҳир» клуби расмий сайти Ўзил жамоанинг янги футболчисига айланганини эълон қилди. 33 ёшли германиялик ҳужумкор яримҳимоячи билан «1+1» шаклида шартнома имзоланган.
Ўзил июнь ойи якунида «Фенербахче» билан амалдаги келишувини ўзаро бекор қилган эди. У 2021 йилнинг январь ойидан буён ушбу клуб шарафини ҳимоя қилиб келаётганди. Месут собиқ жамоасида жами 25 ўйинда 8та гол ва 2та ассистга муаллифлик қилган.
