ОФК кубоги. «Сўғдиёна» Туркманистон клубини мағлуб этиб, гуруҳ пешқадами сифатида плей-офф босқичига йўлланма олди
Пайшанба, 30 Июн
2722
Фото: Сўғдиёна

ОФК кубоги «E» гуруҳи 3-тури доирасидаги «Сўғдиёна» ҳамда Туркманистоннинг «Олтин аср» жамоаси ўртасидаги учрашув якунига етди.

Тожикистон пойтахти Душанбеда ўтган баҳсда Улуғбек Бақоев мураббийлигидаги Жиззах жамоаси ишончли ғалабага эришди. 

Учрашувнинг 20-дақиқасида Шохруз Норхоновнинг узатмасидан кейин Жасур Ҳасанов ҳисобни очди – 1:0

48-дақиқада Жавоҳир Қаҳрамонов Халиловнинг узатмасини голга айлантирди – 2:0.

60-дақиқада эса Жасур Ҳасанов яна катта саҳнага чиқди. 38 ёшли футболчи ажойиб зарбаси билан ҳисобни йириклаштирди – 3:0. Бу унинг турнирдаги 3-ўйинда киритган 3-голи бўлди. У шунингдек, 3та ассист амалга оширган.

Кўп ўтмай, туркманистонликлар фарқни бироз қисқартиришга муваффақ бўлишди – 3:1. 

Шу тариқа, Душанбеда ўтган гуруҳ босқичидаги учинчи ўйинни ҳам Жиззах клуби ғалаба билан якунлаб, 3 ўйинда 9 очко жамғарган ҳолда гуруҳ пешқадамлигини қўлга киритди. «Сўғдиёна» кузда турнирнинг минтақавий яримфинал босқичига йўлланма олди.

ОФК кубоги. 3-тур. 30 июнь
«Сўғдиёна» - «Олтин аср» (Туркманистон) – 3:1 
Душанбе. «Марказий» стадион. 

Ҳакам: Али Ҳасан Иброҳим (Баҳрайн)
Голлар: Жасур Ҳасанов 20, 60, Жавоҳир Қаҳрамонов 48 – Нурмурат Розиев 65.
«Сўғдиёна»: 27. Милан Митрович, 2. Сардор Қулматов, 6. Искандар Шойқулов, 7. Шаҳбоз Жўрабеков (16. Артём Филипосян, 60), 10. Шохруз Норхонов (8. Марат Бикмаев, 62), 11. Жасур Ҳасанов (3.Диан Талхатов, 81), 19. Жавоҳир Қаҳрамонов (33.Дониёр Абдуманнопов, 62), 21. Абдужалил Маназаров (12.Хислат Халилов, 46), 31.Лука Чермел, 77. Даниел Насриддинов, 93. Марко Колакович.
«Олтин аср»: 1. Маммет Оразмуҳаммедов, 2. Зафар Бабажанов, 5. Гуйчмират Аннагулиев, 8. Аҳмет Атаев, 10. Раҳмат Мирадбердиев, 11. Мурат Яхшиев, 17. Мират Аннаев (29. Нурмират Розиев, 58) 18.Фуркат Турсунов (12. Ихлас Тойжанов, 58), 20. Бегмират Баёв (3.Селим Атаев, 58), 22. Ровшенгелди Холмаммедов, 27. Велимрат Баллаков ( 14. Аҳмад Нурметов, 79).
Четлатиш: Р. Мирадбердиев (Олтин аср), 40.

Теглар

Ўхшаш янгиликлар