«Манчестер Сити» ҳужумчиси Эрлинг Ҳоланд янги клуби сафидаги дастлабки таассуротлари билан ўртоқлашди.

«Мен Англияда туғилганман ва «Манчестер Сити»нинг бир умрлик ишқибозиман. Бу клуб ҳақида жуда кўп нарсани биламан ва бу ерда ўзимни уйдагидек ҳис қиламан. 

Ўйлайманки, бу жамоада янада ўсиб, «Манчестер Сити»да энг яхши ўйинларимни кўрсата оламан.

- «Сити»нинг сўнгги йиллардаги ўйинларини кўргансиз. Бу жамоанинг ўйин услуби сизга қанчалик мос?
- Агар мос бўлмаганида бу жамоага ўтмасдим. Менга жамоанинг услуби, ҳужумкор ўйини ёқади. Ўйлайманки, бу жамоа ўйин услубига узукка кўз қўйгандек мос келаман», - дея 21 ёшли норвегиялик форварднинг сўзларини келтирган Sky Sports News.

Маълумот учун, Эрлингнинг отаси Альф-Инге Ҳоланд Англияда «Манчестер Сити», «Лидс» ва «Ноттингҳем Форест»да тўп сурган. Эрлинг ҳам ушбу мамлакатда туғилган.

Аввалроқ, «Сити» Ҳоланд трансфери учун «Боруссия» Дортмунд клубига 75 миллион евро тўлаши ҳақида хабар қилинган эди. Томонлар 2027 йилга қадар шартнома имзолаган.