АПЛ 2021/22 томошабинлар ташрифи: «МЮ» энг кўп мухлис тўплади, «Брентфорд»да энг кам томошабин
Жума, 27 Май
3696
Фото: Getty Images

Англия Премьер-лигаси 2021/22 йилги мавсуми якунига етгач, ўтган 38 тур давомида стадионларда энг кўп томошабин тўплаган жамоалар маълум бўлди.

Ўз уйида томошабинлар ташрифи бўйича бу сафар ҳам «Манчестер Юнайтед» етакчилик қилган. АПЛдаги энг катта стадион сиғимига (76 212) эга жамоанинг уй аренаси «Олд Траффорд»да ҳар ўйинда ўртача 73 150 нафар томошабин ташрифи кузатилган. 

Иккинчи ўриндан «Арсенал» жой олган. «Канонирлар»нинг «Эмирейтс» стадионидаги ҳар ўйинида ўртача 59 776 томошабин йиғилган. 

Учинчи ўринда эса «Вест Ҳэм» қайд этилган. Лондонликларнинг ҳар ўйинида ўртача 58 367 томошабин ташриф буюрган. 

АПЛ чемпионига айланган «Манчестер Сити» бу борада 52 774 томошабин билан 6-ўринда қайд этилган.

Энг кам томошабин «Брентфорд» уй учрашувларига тўғри келади. Дебютант жамоанинг ўйинини ўртача 16 912 томошабин кузатган. Ушбу клуб стадиони 17 250 томошабин сиғимига эга.

АПЛ-2021/22 томошабинлар ташрифи:

1. МЮ – (Олд Траффорд) – 73 150 томошабин
2. Арсенал – (Эмирейтс) – 59 776
3. Вест Ҳэм – (Лондон стэдиум) – 58 367 
4. Тоттенҳэм – (Тоттенҳэм стэдиум) – 56 523 
5. Ливерпуль – (Энфилд) – 53 027
6. Манчестер Сити – (Этиҳад) – 52 774
7. Ньюкасл – (Сент Жеймс Парк) – 51 487
8. Астон Вилла – (Вилла Парк) – 41 681
9. Эвертон – (Гудисон Парк) – 38 910
10. Челси – (Стэмфорд Бриж) – 37 812
11. Лидс – (Элланд Роад) – 36 308
12. Лестер – (Кинг Поуэр) – 31 941
13. Брайтон – (Американ Экспресс) – 30 943
14. Вулверҳэмптон – (Молина стэдиум) – 30 765
15. Саутҳэмптон – (Сент Мэрис) – 29 939
16. Норвич Сити – (Карроу Роад) – 26 810
17. Кристал Пэлас – (Селхерст Парк) – 24 282
18. Уотфорд – (Викариж Роад) – 20 598
19. Бёрнли – (Терф Мур) – 19 353
20. Брентфорд – (Брентфорд Коммьюнити) – 16 912 томошабин.

Теглар

Ўхшаш янгиликлар